A cewar Reuters, a ranar 4 ga Maris, lokacin gida, wani jirgin kasa ya kauce hanya a Springfield, Ohio.Rahotanni sun ce jirgin da ya kauce daga layin na kamfanin Norfolk Southern Railway Company ne da ke Amurka.Akwai karusai 212 gabaɗaya, daga cikinsu kusan 20 sun kauce hanya.Abin farin ciki, babu abubuwa masu haɗari a cikin jirgin.Kawo yanzu dai ba a samu rahoton asarar rayuka ba.Ana ci gaba da aikin tsaftace wurin da hatsarin ya afku.Hukumar bayar da agajin gaggawa a wurin da lamarin ya faru ta fitar da sanarwa a wannan rana inda ta ce saboda tsantseni sun bukaci mazauna kusa da wurin da lamarin ya faru da su kaura a wurin, su guji fita waje.Hadarin ya kuma janyo katsewar wutar lantarki a sassan yankin.

Tun bayan da wani jirgin kasa da ke dauke da sinadarai masu guba ya kauce hanya a Gabashin Falasdinu, Ohio a ranar 3 ga watan da ya gabata, jiragen kasa uku na kamfanin jiragen kasa na Norfolk Southern Railway a Amurka sun kauce daga layin.